October 10, 2023: In an Executive meeting of KKRSS held at the CC office, Shri Sachin Rai unanimously decided as the Delhi coordinator. He has to form the KKRSS Delhi unit as early as possible.
October 10, 2023: आज किराँती खम्बु राई साँस्कृतिक संस्थान केन्द्रीय समितिकाे कार्यकारी निकायकाे सभा केन्द्रीय समितिकै कार्यलयमा भयो। सभामा संस्थापक सदस्यहरु साथै वरिष्ट केन्द्रिय समिति सदस्यहरुको उपस्थिति थियो भने सभा केन्द्रीय समिति अध्यक्ष डाक्टर प्रताप सिंह राईकाे अध्यक्षतामा भएको थियो।
आजको सभामा केन्द्रीय समिति कानुनी सल्लाहकार / अध्यक्ष निर्वाचन समिति श्री प्रणय राईले वर्तमान केन्द्रीय समितिको कार्यकाल गत सेप्टेम्बर २१ मा सकिएको हुनाले यसको कार्यकाल निर्वाचन समितिले डिसेम्बर २१ सम्म म्याद थपिएको सूचित गर्नु भयो साथै डिसेम्बर २१ सम्म वार्षिक साधारण सभा गर्नुपर्ने निर्देशन केन्द्रिय समितिलाई दिएको छ, उक्त वार्षिक साधारण सभामा नयाँ केन्द्रीय समितिकाे चुनाव गरिने निर्णय आजको सभाले लिएको छ।
वार्षिक साधारण सभा कहाँ कहिले राख्नुपर्ने बिषय मा भने केन्द्रीय समितिले चाँडै निर्णय गर्नुपर्ने निर्देशन आजको सभाले दिएको छ।
आजको सभामा महाकाल डाँडामा अवस्थीत माङखिमको मर्मत र मर्मतसम्भारको लागि माङ्खिम समितिले दान द्वारा प्राप्त रु. 50,000/- (पचास हजार) हस्तान्तरण गर्यो।
आजको सभाले माङखिम समितिको नयाँ सचिव श्री प्रशान्त राई, तुङसुङ शाखा, लाई सर्व सम्मतिले पारित गर्यो।
आजको सभाले श्री सचिन राई लाई संस्थानको दिल्ली संयोजक (Delhi Coordinator/Convener) काे रूपमा सर्व सम्मतीले नियुक्ति गर्यो।